Movie : Khamoshi (1970)
Singer : Lata Mangeshkar
Lyrics : Gulzar
Music : Hemant Kumar
hamane dekhi hai in aankho ki mahakati khushabu
haath se chhuke ise rishto kaa ilzaam na do
sirf ehasaas hai ye ruh se mahasus karo
pyaar ko pyaar hi rahane do koi naam na do
hamane dekhi hai ...
pyaar koi bol nahi, pyaar aavaaz nahi
ek khaamoshi hai sunati hai kahaa karati hai
naa ye bujhati hai naa rukati hai naa thahari hai kahi
nur ki bund hai sadiyo se bahaa karati hai
sirf ehasaas hai ye, ruh se mahasus karo
pyaar ko pyaar hi rahane do, koi naam naa do
hamane dekhi hai ...
muskaraahat si khili rahati hai aankho me kahi
aur palako pe ujaale se chhupe rahate hai
hoth kuchh kahate nahi, kaanpate hotho pe magar
kitane khaamosh se afasaane ruke rahate hai
sirf ehasaas hai ye, ruh se mahasus karo
pyaar ko pyaar hi rahane do, koi naam naa do
hamane dekhi hai ...
No comments:
Post a Comment